عمان جو- نور الشملان / المفرق .
إلى قطعة من روحي.
إلى أول فرحة حقيقية دخلت حياتي ️
إلى أروى، ابنتي الغالية،

بكرا أول يوم بتخوضي فيه امتحانات التوجيهي، وقلبي معك بكل لحظة، بكل نفس، بكل دعوة بطلع فيها من أعماق روحي.

أنا فخورة فيكِ بحجم هذا العالم وأكثرررر،
فخورة بتعـبك، بإصرارك، بطريقتك الحلوة بالحياة، وبالإنسانة الجميلة اللي صرتيها..
أنا معك، دايماً معك، بدعمك بكل خطوة، بكل شعور، بكل ارتباك أو خوف أو لحظة قوة وهدوء..
وصـدقينـــي يا أمي ،
النتيجة ما رح تغـيّر ولا تنقص ذرة من حبي أو فخري فيكِ .. لأنك بحضورك، بتعبك، بإنسانيتك، أنتي نجحتِ من قبل ما تكتبي أول كلمة بالامتحان.

أروى، كوني مطمئنة.. الله معك، وأنا قلباً وروحـاً معك.
وراح تظلي دايماً أول فرحة حقيقية دخلت حياتي، وأجمل هدية رزقني فيها ربي.

بحبك كثيررر ،
ومؤمنة فيكي جداً أكثر مما تتخيلي...