عمان جو- ناشدت سبأ المقابلة أصحاب الضمائر الحية لمساعدتها في استرجاع ابنها الذي تم تسفيره من قبل والده " طليقها" خارج البلاد.
وقالت سبأ عبر مواقع التواصل الاجتماعي:
ما وصلت لهون اني اكتب واحكي إلا من وجع عم بعيشه كل يوم بسبب ابني انا أم لطفل عمره 3 سنين محرومة منه من تاريخ 18/5/2025 بسبب طليقي من وقتها ما شفته، ولا سمعت صوته غير مرة وحدة ولا بعرف عنه شي وكل يوم عم بمر علي أصعب من اللي اشتقتله بطريقة ما بتنحكى اشتقت
احضنه واتطمن عليه
بناشد كل إنسان عنده ضمير يساعدني او يوصل صوتي، يمكن مشاركة او كلمة تكون سبب إني اشوف ابني من جديد
أنا ما بدور على شهرة ولا لايكات انا بس ام بدها ابنها.
وأضافت:
بحكم من المحكمة كان مسموح لوالد ابني ياخده لساعات محددة
بالأسبوع
وبيوم من الأيام اخده بهالإطار، لكنه ما رجّعه، وكَان رافض يرجّعه
نهائيًا
وخلال اقل من إسبوع ، وبينما كنت عم بحاول أرجّعه بالطرق
القانونية، تم السفر فيه خارج البلد ومن وقتها وانا محرومة منه
وعم بحاول بكل الطرق القانونية
اشوفه وأرجّعه، ورافعه قضية
حضانة لإسترجاعه.